Մահացել է լրագրող Նատաշա Ռեյը, ով հայտնի էր Ֆրանսիայի նախագահ Էմանուել  Մակրոնի կնոջ՝ Բրիջիթ Մակրոնի  վերաբերյալ իրականացրած իր հետաքննությամբ։

Նրա  մահվան մասին սոցիալական ցանց X-ում հայտնել է լրագրող Քսավյե Պուսարը։

«Խոր ցավով տեղեկացանք Նատաշա Ռեյի մահվան մասին։ Նա սեպտեմբերի 13-ին մահացել է քաղցկեղից»,- հայտնել է Պուսարը։

Լրագրողի մահվան մասին տեղեկությունը հաստատել է նաև Ռեյի փաստաբան Ֆրանսուա Դանգլեանը՝ 5-tv.ru-ին տված մեկնաբանությունում։

Հիշեցնենք, որ 2021 թվականին Նատաշա Ռեյը  հետաքննություն էր անցկացրել, որտեղ Բրիջիտ Մակրոնին անվանել էր տրանսգենդեր՝ պնդելով, թե նա սեռափոխությունը  է կատարել, և նախկինում եղել է տղամարդ։  Հրապարակումներից հետո Ֆրանսիայի նախագահի կինը լրագրողի դեմ զրպարտության հայց էր ներկայացրել։

2022 թվականին առաջին ատյանի դատարանը Ռեյին մեղավոր էր ճանաչել և պարտավորեցրել վճարել 500 եվրո տուգանք, ինչպես նաև 8 հազար եվրո՝ Բրիջիտ Մակրոնին բարոյական վնաս պատճառելու համար։ 

2025 թվականի հուլիսին Փարիզի վերաքննիչ դատարանը բավարարել էր Նատաշա Ռեյի բողոքը։ Դատարանը եզրակացրել էր, որ լրագրողի հայտարարությունների մեծ մասը չի համապատասխանում զրպարտության իրավական սահմանմանը։

Դրանից հետո  Մակրոնի փաստաբանը հայտնել էր, որ պատրաստվում են դատարանի որոշումը բողոքարկել։