Ճապոնիայի խորհրդարանը Լիբերալ-դեմոկրատական ​​կուսակցության ղեկավար Սանաե Տակաիչիին հաստատել է վարչապետի պաշտոնում՝ Ճապոնիայի նորարարական կուսակցության հետ կոալիցիա կազմելուց հետո։ Այդ մասին հայտնել է ԲիԲիՍի-ն:

 

Տակաիչին, որը հայտնի է իր ծայրահեղ պահպանողական հայացքներով, դարձել է Ճապոնիայի առաջին կին վարչապետը։

 

Լիբերալ-դեմոկրատական ​​կուսակցությունը և Ճապոնիայի Նորարարության կուսակցությունը կոալիցիա կազմելու մասին հայտարարել էին հոկտեմբերի 20-ին։

 

«Եկեք Ճապոնիան առաջ տանենք միասին»,- ընդգծել էր Նորարարության կուսակցության համանախագահ Հիրոֆումի Յոշիմուրան՝ հայտարարելով ԼԴԿ-ի հետ գործընկերության մասին։

 

Մինչ այդ, Ճապոնիան Լիբերալ-դեմոկրատական ​​կուսակցությունը 26 տարի համատեղ կառավարել է բուդդայական Կոմեյտո կուսակցության հետ։ Սակայն, Կոմեյտոն հեռացել է կառավարությունից, երբ Սանաե Տակաիչին ընտրվել է ԼԴԿ նախագահ:

 

Լիբերալ-դեմոկրատական ​​կուսակցության ղեկավարի ընտրությունից մինչև նոր կոալիցիայի ձևավորման մասին հայտարարությունն ընկած երկու շաբաթվա ընթացքում պարզ չէր, թե արդյոք Տակաիչին կդառնար Ճապոնիայի առաջին կին վարչապետը, թե՝ ոչ։ Այդ հաղթանակն ապահովվել է ստացած 237 ձայնով։

 

Սակայն նոր կոալիցիային խորհրդարանում երկու տեղ պակասում է մեծամասնություն կազմելու համար, ուստի կառավարության աշխատանքը կարող է մարտահրավերներ ունենալ։

 

«Նորարարության կուսակցության» անդամները սկզբում նոր կառավարության մաս չեն կազմի,- հայտնել է «Կիոդո» լրատվական գործակալությունը՝ հղում անելով աղբյուրներին։