Չարլզ III թագավորի, թագուհի Կամիլայի, արքայազն Ուիլյամի և Քեյթ Միդլթոնի կողմից Վինձորի ամրոցի տարածքում ջերմ ընդունելությունից հետո, ԱՄՆ նախագահը և նրա կինը չորեքշաբթի երեկոյան միացել են բրիտանական միապետներին Սուրբ Գևորգի դահլիճում կայացած գալա ընթրիքի ժամանակ։

Հյուրերի թվում էին նաև Թիֆանի Թրամփը և նրա ամուսինը՝ Մայքլ Բուլոսը, ինչպես նաև համաշխարհային տեխնոլոգիական ընկերությունների բարձրաստիճան ղեկավարներ, այդ թվում՝ Apple-ի գործադիր տնօրեն Թիմ Քուքը և OpenAI-ի գործադիր տնօրեն Սեմ Ալտմանը։

Երեկոյի գլխավոր իրադարձությունները Քեյթ Միդլթոնի և ԱՄՆ առաջին տիկին Մելանյա Թրամփի կերպարներն էին։

Ընթրիքի համար Քեմբրիջի դքսուհին ընտրել էր մինչև հատակը հասնող կրեմագույն մետաքսե Phillipa Lepley զգեստ՝ ոսկեգույն ժանյակավոր վերնամասով, երկար թևքերով և բարձր դեկոլտեով։ Հագուստը լրացվել էր շքանշանի կապույտ ժապավենով, փոքրիկ մեդալներով և թագուհի Մերիին պատկանող Cambridge Lover's Knot խորհրդանշական թագով։ Քեյթը կրում էր մարգարիտներով զարդարված կլաչ։

Մյուս կողմից, Մելանյա Թրամփը շեշտը դրել է համարձակության վրա։ Այդ երեկոյան նա ներկայացել է Carolina Herrera-ի աչքի ընկնող դեղին զգեստով՝ բաց ուսերով, ուղիղ ուրվագիծով և բարձր ճեղքով։ Լայն մանուշակագույն գոտին ընդգծում էր նրա իրանը, իսկ կանաչ ականջօղերը լրացնում էին կերպարը։

Հետաքրքիր է, որ Մեծ Բրիտանիա ժամանելուց մեկ օր առաջ Մելանյան ընտրել է Dior-ի շատ ավելի զուսպ կերպար՝ մոխրագույն կոստյում՝ մանուշակագույն գլխարկով, որը համապատասխանում էր Դոնալդ Թրամփի փողկապին։

Մասնագետները նշում են, որ վերջին ամիսներին ԱՄՆ առաջին տիկինը նախընտրել է զուսպ հանդերձանքներ, որոնք թույլ են տալիս նրան մնալ երկրորդ պլանում, և նրա համարձակ երեկոյան զգեստը կարող է ազդարարել նորաձևության ռազմավարություն։ Այնուամենայնիվ, մեկ բան առայժմ պարզ է. և՛ Քեյթը, և՛ Մելանյան Վինձորում կայացած նորաձև երեկոյի աստղային կատարողներն էին։