Իսրայելը հարվածել է Կատարում ՀԱՄԱՍ-ի ղեկավարությանը. CNN
Կատարի մայրաքաղաք Դոհայում պայթյուններ են որոտացել, քաղաքի որոշ հատվածներում ծխի սյուներ են բարձրացել։
CNN-ի տվյալով՝ պայթյունները պաղեստինյան ՀԱՄԱՍ շարժման բարձրաստիճան պաշտոնյաների դեմ ուղղված՝ Իսրայելի գործողությունների հետևանք են: Al Jazeera-ի տվյալով՝ ՀԱՄԱՍ-ի ղեկավարությունը ողջ է մնացել Դոհայում տեղի ունեցած հարձակումից հետո:
Իսրայելի վարչապետ Բենիամին Նեթայահուն հայտարարել է, որ Թել Ավիվը ստանձնում է հարվածի պատասխանատվությունը: Իսրայելական ԶԼՄ-ներն էլ նշել են, որ Թել Ավիվը նախազգուշացրել է ԱՄՆ-ի և Կատարի իշխանություններին Դոհայում գտնվող ՀԱՄԱՍ շարժման առաջնորդներին հարվածելուց առաջ:
Կատարի արտաքին գործերի նախարարությունը դատապարտել է Իսրայելի հարձակումը՝ այն որակելով «վախկոտ»։ Մի շարք պետություններ, այդ թվում՝ Իրանը, Ղազախստանը, Հորդանանը, ևս դատապարտել են Իսրայելի գործողությունները:
