Առաջիկա երկու-երեք ամիսները կրիտիկական ու վճռորոշ կլինեն աշխարհի համար. Էրդողան
Թուրքիայի նախագահ Էրդողանը հարավարևելյան Գազիանթեփ քաղաքում երիտասարդների հետ հանդիպման ժամանակ հայտարարել է, որ աշխարհը փոխակերպման ժամանակաշրջան է ապրում՝ ենթադրելով, որ գալիք ամիսները վճռորոշ կլինեն համաշխարհային դինամիկայի ձևավորման համար։
«Հիմա Թրամփի վարչակազմը իշխանության է եկել Ամերիկայում… Այլ զարգացումների հետ մեկտեղ աշխարհը զարգանում է դեպի շատ այլ ճանապարհ»,- ասել է նա:
Էրդողանը ընդգծել է աշխարհաքաղաքական վերջին տեղաշարժերի նշանակությունը, այդ թվում՝ Սիրիայի երկարամյա առաջնորդ Բաշար ալ Ասադի տապալումը ընդդիմադիր դաշինքի կողմից։
«Ահա թե ինչու առաջիկա երկու-երեք ամիսները շատ կարևոր են։ Մենք՝ որպես Թուրքիա , գործադրում ենք բոլոր ջանքերը և համապատասխանաբար մեր ուղերձներն ենք տալիս աշխարհին»։
Էրդողանը ընդգծել է համաշխարհային առաջնորդների միջև կայուն երկխոսության կարևորությունը նման անցումային ժամանակաշրջաններում՝ այդ ջանքերն անվանելով «դիվանագիտական հարձակումներ»:
Էրդողանը նաև իրեն և Ռուսաստանի նախագահ Վլադիմիր Պուտինին դասել է որպես համաշխարհային ասպարեզում մնացած իրական առաջնորդներ։ «Այժմ աշխարհում ընդամենը երկու փորձառու առաջնորդ կա, նրանք ես եմ և Վլադիմիր Պուտինը»,- ասել է Էրդողանը։ «Ես պաշտոնավարում եմ 22 տարի՝ գրեթե այնքան ժամանակ, որքան պարոն Պուտինը։ Մնացածը չկա։
