Թրամփն իր նախկին օգնականների կողմից արժանացել է «ֆաշիստ» որակավարոմանը, ով նաև ի վիճակի չէ զբաղեցնել Սպիտակ տան ղեկավարի աթոռը։ Ի աջակցություն Թրամփի հանդես է եկել Ջեյ Դի Վենսը։ Ինչ վերաբերում է դեմոկրատներին, ապա նրանք շարունակում են նախագահական իրենց քարոզարշավը՝ թիրախավորելով տատանվող նահանգները

Ջոն Քելլին Սպիտակ տան աշխատակազմի ղեկավարն էր Դոնալդ Թրամփի օրոք՝ 2017-2019 թվականներին։ Վերջերս The New York Times-ի հետ զրույցում, գեներալը, ով այժմ թոշակառու է, Թրամփի մասին անկեղծացել է. «...Նա, անկասկած, ավտորիտար գործիչ է, հիանում է բռնապետերով։ Ինքն է այդպես ասել։ Ուստի, անկասկած, համապատասխանում է «ֆաշիստ» բնորոշմանը»։

Թրամփը արձագանքել է իրեն պատկանող Truth սոցհարթակում․ «Ջոն Քելլին թշվառ մարդ է և վատ գեներալ, ում խորհուրդները Սպիտակ տանը այլևս հաշվի չէի առնում և ստիպեցի նրան հեռանալ»։

Թեմային կիրակի անդրադարձել է նաև ԱՄՆ փոխնախագահի հանրապետական թեկնածու Ջեյ Դի Վենսը՝ մեկնաբանելով Քելլիի և Միացյալ Նահանգների զինուժի գլխավոր շտաբի նախկին պետ Մարկ Միլլիի հայտարարությունները՝ Թրամփի ֆաշիստ լինելու մասին։

Ավելին՝ սկզբնաղբյուրում։