Դեպի ծով ելք չունեցող երկրների նախարարական հանդիպման շրջանակներում ՀՀ ՏԿԵ նախարար Գնել Սանոսյանը հանդիպել է Զիմբաբվեի տրանսպորտի և ենթակառուցվածքների նախարար Ֆելիքս Տապիվա Մհոնայի հետ, տեղեկացնում են ՏԿԵ նախարարությունից։

Հաղորդագրությունում նշված է․

«Նախարարը ողջունել է Մհոնային և գնահատել Զիմբաբվեի պատվիրակության մասնակցությունը այսօրվա միջոցառմանը։

Կողմերը հետաքրքրություն են հայտնել ճանապարհաշինության և երկաթուղային ենթակառուցվածքի շինարարության և արդիականացման ոլորտում փորձի փոխանակման հարցում։

Նախարար Սանոսյանը ներկայացրել է ենթակառուցվածքների ոլորտում համագործակցության հնարավորությունները, որոնք կարող են երկկողմ հետաքրքիր լինել երկու երկրների համար։

Նախարարը ներակայացրել է «Հյուսիս-հարավ» ծրագիրը, երկաթուղային ցանցի առկա վիճակը, խնդիրներն ու դրանց լուծման ուղղությամբ տարվող աշխատանքները։

Մհոնան շնորհակալություն է հայտնել ջերմ ընդունելության և հանդիպման համար և հույս հայտնել շարունակել քննարկումները Համաժողովի օրակարգով նախատեսված այլ հանդիպումների ընթացքում ևս»։