Հոկտեմբերի 25-ին Հրազդանում կայանալիք ՏԻՄ ընտրություններն առանցքային հանգրվան են համայնքի հետագա զարգացման տեսլականը ձևավորելու ճանապարհին։ Այս ընտրական փուլում քաղաքական դաշտում ներկայացված է նաև ՀՅԴ թեկնածու Վարդան Գևորգյանը, ով, ի դեպ, ավելի վաղ հրաժարվել էր մասնակցել Հանրային հեռուստաընկերության (Հ1) բանավեճի եթերին։ Այնուամենայնիվ, քաղաքական հայտարարություններից ու նախընտրական ձևաչափերից անդին, Հրազդանի բնակիչների համար առաջնայինն ու չափելիին իրականացված փաստացի աշխատանքն է, որը տեսանելի է ամենօրյա կյանքում։  

Խոստումների փոխարեն՝ տեսանելի արդյունքներ

Հրազդանի քաղաքային կառավարման վերջին տարիների տրամաբանությունը ցույց է տալիս, որ գործող համայնքապետ, «Քաղաքացիական պայմանագիր» կուսակցության թեկնածու Սևակ Միքայելյանի որդեգրած մոտեցումը հիմնված է ոչ թե օդում կախված խոստումների, այլ հետևողական ու ծավալուն աշխատանքի վրա։  

«Meganews»-ի իրականացրած փողոցային հարցումներն ու բնակիչների հետ անմիջական զրույցները փաստում են համայնքում առկա գոհունակության բարձր մակարդակը։ Հրազդանցիներն իրենք են մատնանշում այն տեսանելի փոփոխությունները, որոնք տարիներ շարունակ անտեսված են եղել․  

 Կրթական հաստատությունների և մանկապարտեզների հիմնանորոգում․ Համայնքում լայնամասշտաբ աշխատանքներ են իրականացվել դպրոցների ու մանկապարտեզների վերակառուցման և վերանորոգման ուղղությամբ։ Երեխաների համար ստեղծվել են լիովին արդիական, ապահով ու ջերմ պայմաններ։  

 Կառավարություն-համայնք արդյունավետ համագործակցություն․ Սևակ Միքայելյանի պաշտոնավարման ընթացքում Կառավարության և Հրազդան համայնքի փոխհարաբերությունները դրվել են ամուր, կառուցողական ու արդյունավետ հիմքերի վրա, ինչի շնորհիվ էլ հնարավոր է դարձել կյանքի կոչել սուբվենցիոն և պետական աջակցությամբ իրականացվող բազմաթիվ խոշոր ծրագրեր։  

 Բազմաբնակարան շենքերի վերելակային տնտեսության արդիականացում․ Տասնամյակներ շարունակ բնակիչների անվտանգությանն ու հարմարավետությանը սպառնացող մաշված վերելակները փոխարինվել են բոլորովին նոր, ժամանակակից համակարգերով։  

 Քաղաքային միջավայրի ազատագրում ու բարեկարգում․ Քաղաքաշինական նորմերին չհամապատասխանող, ապօրինի կամ լքված կրպակների ու շինությունների ապամոնտաժմամբ մայթերն ազատվել են՝ վերադարձվելով հետիոտներին։ Սա քաղաքային քաղաքակիրթ միջավայրի ձևավորման կարևոր քայլ է։  

Ճանապարհաշինական լայնամասշտաբ աշխատանքներն ու ապագայի ծրագրերը

Քաղաքի փողոցներում այսօր էլ ընթանում են ակտիվ նորոգման ու հիմնանորոգման աշխատանքներ։ Մասնավորապես․  

 Զորավար Անդրանիկի պողոտայում՝ երկաթգծից մինչև Միկրոշրջանի գլխավոր խաչմերուկ, լայնամասշտաբ ճանապարհանորոգման աշխատանքներ են իրականացվում։  

 Միկրոշրջան թաղամասում հիմնանորոգվել են Պուրակային և 5-րդ փողոցները, ինչպես նաև վերջիններս միմյանց կապող 8-րդ փողոցի երթևեկելի հատվածը։  

Այս աշխատանքներին զուգահեռ՝ առաջիկա տարիների համար նախատեսված են էլ ավելի մեծածավալ ծրագրեր․

Թաղամաս.Նախատեսվող հիմնանորոգման ծավալը (2027 թ.)

Կոճոռ.- 50,000 քմ ներթաղամասային ճանապարհ

Ջրառատ.- 30,000 քմ ներթաղամասային ճանապարհ

Ընդհանուր՝ 80,000 քմ ճանապարհային մակերես

 

IT ոլորտի ներդրումները՝ զարգացման նոր հորիզոն

Հրազդանի տնտեսական դիմագծի ձևավորման գործում առանձնահատուկ տեղ են զբաղեցնում նաև բարձր տեխնոլոգիաների ոլորտում արվող քայլերը։ «Firebird AI» ընկերության արհեստական բանականության մշակման ենթակառուցվածքի մեկնարկը քաղաքում նոր հնարավորությունների դուռ է բացում։  

Թեև նմանատիպ խոշոր տեխնոլոգիական ներդրումների իրական ազդեցությունը, տեղական մասնագիտական պոտենցիալի ներգրավումն ու տնտեսական վերջնական արդյունքը Հրազդանի և ամբողջ Հայաստանի համար ցույց կտա ժամանակը, այնուամենայնիվ, նման նախագծերի առկայությունն արդեն իսկ վկայում է համայնքի նկատմամբ աճող հետաքրքրության մասին։  

Ամփոփում․ հազար անգամ լսելու փոխարեն՝ մեկ անգամ տեսնել

Իրականացված, ընթացիկ և պլանավորված ծրագրերն այնքան շատ են, որ մեկ հոդվածի շրջանակում պարզապես հնարավոր չէ ամբողջությամբ ներկայացնել դրանց ողջ ծավալն ու աշխարհագրությունը։  

Սակայն, ինչպես ժողովրդական հայտնի խոսքն է ասում՝ «հազար անգամ լսելու փոխարեն, ավելի լավ է մեկ անգամ տեսնել»։ Եթե ցանկանում եք սեփական աչքերով համոզվել ու գնահատել Հրազդանում իրականացվող լայնածավալ աշխատանքները, բարեկարգման ծրագրերն ու քաղաքի նոր դիմագիծը, կարող եք հոկտեմբերի 25-ին լինել Հրազդանում, հետևել ընտրությունների ընթացքին և անձամբ տեսնել այն իրականությունը, որն այսօր կերտվում է համայնքում։  

Սևակ Միքայելյանի պաշտոնավարման ընթացքում արձանագրված արդյունքները՝ նորոգված վերելակներից, փողոցներից ու դպրոցներից մինչև վերակառուցված մանկապարտեզներ, ազատված մայթեր և Կառավարության հետ ամուր գործընկերություն, փաստում են․ Հրազդանի ապագան հենց այս հետևողական, շարունակական ու տեսանելի զարգացման ընթացքի մեջ է։

Մարգարիտա Դավթյան