Համաշխարհային պատմության մեջ չի եղել դեպք, որ ՍԴ նախագահին դատեն․ Հրայր Թովմասյան
Դատավոր Տաթևիկ Գրիգորյանը պարբերաբար ընդհատում էր Հրայր Թոմվասյանին, ինչից հետո Թովմասյանը հայտարարեց, որ ավարտում է ճառը:
«Ես ավարտեցի իմ ճառը։ Արձանագրում եմ, որ Դուք թույլ չեք տվել լիարժեք իրականացնել իմ ճառը։ Ես ասելիք չունեմ։ Գտնում եմ, որ այս դատարանը կողմնակալ դատարան է: Աշխարհում չկա մի դեպք, երբ վաղեմությունն անցած գործով 7 ժամ մարդուն ստիպեն ճառ ասել, նույնիսկ ընդմիջում չտան: Ինձ հայտնի չէ Ձեր վարքագծի դրդապատճառները, հայտնի կդառնա այս դատական ակտից հետո»,- ասաց նա:
