ԱԺ «Պատիվ ունեմ» խմբակցության պատգամավոր Տիգրան Աբրահամյանը հայտարարել է՝ Արցախն «Ադրբեջան» հռչակելով՝ գործող իշխանությունն ակնհայտորեն արտահայտեց իր դիրքորոշումը, և այժմ Արցախի կորստյան մեղքն այլոց վրա բարդելուն ուղղված մանիպուլյացիաները պարզապես անօգուտ են։

«Ես կարծում եմ, որ Արցախի հանձնման պատասխանատուի (ների) թեման փաստական և բովանդակային առումով այնքան պարզ ու ակնհայտ է, որ իշխանության հետ բանավիճելու նյութ նույնիսկ չկա էլ:

Իշխանությունն, Արցախն Ադրբեջան հռչակելով և ադրբեջանական ագրեսիան` իր բոլոր դրսևորումներով, լուռ կամ բարձրաձայն խրախուսելով, իր դիրքորոշումն ու կամքն արդեն արտահայտել է:

Լեզվի ճարպկությունը և ակնհայտ մանիպուլյացիան իշխանությանն այլևս չեն կարող օգտակար լինել. փաստերն իրականում խոսուն են և քննարկման տեղիք չեն տալիս»,- գրել է Տիգրան Աբրահամյանը:

Հիշեցնենք՝ այսօր ԱԺ նախագահ Ալեն Սիմոնյանը Ազգայն ժողովում հայտարարել էր. «Արցախի Հանրապետությունն ինքն իրեն լուծարել է՝ իրենց պաշտոնյաների որոշմամբ»,- այսպիսով, իշխանական քարոզչամեքենայով տարածվող թեզի համաձայն, մեղավոր հռչակելով Արցախի իշխանություններին։