Բանակի օրվա առթիվ ԵԿՄ վարչության դահլիճում բացված ցուցահանդեսի լուսանկարները հետաքրքրությամբ են դիտում այցելուները:

Օրերս ԵԿՄ-ն հյուրընկալել էր աշակերտների, որոնք իրենց պատանի երկրապահ դասընկերոջից լսելով այդ մասին, ցանկություն էին հայտնել անպայման ներկա գտնվելու:
Ինչպես արդեն տեղեկացրել էինք, ցուցահանդեսը նվիրված է Արցախյան 44-օրյա պատերազմում երկրապահ կամավորականների միության մասնակցությանը, եւ  պատերազմից առ այսօր ընթացող մարտական հերթապահությանը:
Երկրապահները`  Ազատամարտի  հաղթանակը կռողները, նույն ոգով  շարունակում  են  պայքարը։ Նրանք միշտ զինվորի կողքին են: Իրենց կողքին`  երիտասարդ ու պատանի երկրապահները:
ԵԿՄ վարչության նախագահը, դպրոցականների հետ հանդիպման ընթացքում, ներկայացրեց Սպարապետ Վազգեն Սարգսյանի հիմնած համախմբված ու ամուր կառույցի ստեղծման ու կայացման պատմությունը, գործունեությունը: 
Նրանք լսեցին հետաքրքիր պատմություններ պատերազմներով անցած երկրապահներից. աղոթքի եւ օրհնության խոսք ասաց Տեր Ենովք քահանա Եսայանը:
Աշակերտները շրջեցին ցուցասրահով, այցելեցին ԵԿՄ թանգարան, գրադարան:
 

ԵԿՄ վարչություն