ԱՄՆ-ի միջանկյալ ընտրությունում Հանրապետական կուսակցության անհաջողությունը չի նշանակում Վաշինգտոնի և ԵՄ-ի հարաբերությունների ավտոմատ բարելավում՝ հայտնել է Bloomberg-ը՝ հղում անելով իր աղբյուրին:

«Մի բարձրաստիճան պաշտոնյա զգուշացրել է ԵՄ գործընկերներին չսպասել այնպիսի արդյունքների, որոնք կհանգեցնեն անդրատլանտյան հարաբերությունների զգալի բարելավման։ Նա ասել է, որ պետք է շարունակվեն Վաշինգտոնից ԵՄ-ի կախվածությունը նվազեցնելուն ուղղված ջանքերը»,- հաղորդել է գործակալությունը։

Bloomberg-ը նշում է, որ ԱՄՆ գործընկերների կարծիքով ՝ ԱՄՆ նախագահ Դոնալդ Թրամփը, միևնույն է, պահպանում է գործողությունների ազատությունը արտաքին քաղաքականությունում:

Գերմանիայի պաշտպանության նախարար Բորիս Պիստորիուսը, շնորհավորելով ԱՄՆ Դեմոկրատական ​​կուսակցությանը՝ Կոնգրեսի ընտրությունում «պատմական հաղթանակի» կապակցությամբ, նաև նշել է, որ ԱՄՆ նախագահական վարչակազմը կմնա անփոփոխ, և Բեռլինը պատրաստ է շարունակել համագործակցությունը նրա հետ։ Նախարարն ընդգծել է, որ Բեռլինը կպահպանի կապը և՛ դեմոկրատների, և՛ հանրապետականների հետ։

Փարիզն էլ, իր հերթին, նշել է ԱՄՆ Դեմոկրատական կուսակցության «անվերապահ հաղթանակն» ընտրություններում, սակայն հիշեցրել է, որ Թրամփը մնում է պետության ղեկավար, հետևաբար շարունակելու է որոշել Վաշինգտոնի արտաքին քաղաքական կուրսը:

Եվրոպայում խոստովանել են, թե չգիտեն ինչ գործողություններ ակնկալել նախագահ Դոնալդ Թրամփից մոտ ապագայում։