Հայրենադարձվելուց առաջ Վիգեն Էուլջեքջյանը, պարզվում է, ադրբեջանական գերության մեջ չորրորդ անգամ էր հացադուլ  հայտարարել՝ պահանջելով հնարավորություն տալ մասնակցելու որդու հարսանիքին։ Այդ մասին «Փաստինֆո»-ին հայտնել է նրա կինը՝ Լինդա Էուլջեքջյանը։

Նրա փոխանցմամբ՝ հացադուլը հայտարարվել էր այն բանից հետո, երբ Վիգենը Կարմիր խաչի միջոցով իրեն նամակ էր ուղարկել։

«Փաստինֆո»-ի տաղավարում Լինդա Էուլջեքջյանը պատմել է, որ ամուսինը սկզբում չի հավատացել ազատ արձակման լուրին և հրաժարվել է դուրս գալ բանտախցից։

«Մտածել է, որ հնարավոր է իրեն խաբում են՝ հացադուլից դուրս բերելու համար։ Նրան բացատրել են, որ պետք է սնվի, որպեսզի կարողանա դիմանալ», — ասել է Լինդան։

Նրա խոսքով՝ առանց կորսետի Վիգենը չի կարողանում քայլել, բացի այդ՝ մեկ ականջը չի լսում։

Մանրամասները՝ տեսանյութում։