Ձերբակալված արցախցու դուստրը «Ազատության» հետ զրույցում հերքել է Բաքվի մեղադրանքները։ «Խմբի ղեկավարին մեքենայից հանել են դուրս, վերադարձրել մեզ մոտ, բայց հայրիկիս անհայտ ուղղությամբ տեղափոխել»,- պատմել է ձերբակալված 68-ամյա Խաչատրյանի աղջիկը։ Դստեր պնդմամբ՝ հայրը սրտի լուրջ խնդիրներ ունի, պետք է շտապ վիրահատվեր: Ասել է՝ անցակետում արդեն դժվարությամբ է ոտքի վրա կանգնել: