Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ:

Վարչապետը ցավակցություն ու զորակցություն է հայտնել Թուրքիայի նախագահին և ժողովրդին երկրաշարժի հետևանքով բազմաթիվ զոհերի կապակցությամբ:

Փաշինյանը հայտնել է, որ դեպի դեպքի վայր շուտով կժամանի ՀՀ փրկարարական ուժերին աղետի գոտի տեղափոխող ինքնաթիռը:

Էրդողանը ՀՀ վարչապետին շնորհակալություն է հայտնել զորակցության համար և նշել, որ Թուրքիայի կառավարությունը բարձր է գնահատում Հայաստանի աջակցությունը՝ կարևորելով այդ քայլը նաև երկու երկրների միջև հետագա երկխոսության խորացման տեսանկյունից: