Երևանի ընդհանուր իրավասության քրեական դատարանը՝ դատավոր Գարիկ Աբելյանի նախագահությամբ, որոշում կայացրեց «Մայր Հայաստան» կուսակցության ղեկավար, ԲՀԿ ցուցակի 2-րդ համար Անդրանիկ Թևանյանի խափանման միջոցի հարցի վերաբերյալ։

Թևանյանին կալանավորեցին 2 ամսով։

Փաստաբան Արամ Օրբելյանը լրագրողներին ավելի վաղ ասել էր՝  գործի նյութերով ոչ միայն պետական դավաճանության, այլև՝ առհասարակ որևէ հանցագործության տարրեր չկան։

Հիշեցնենք՝ Նիկոլ Փաշինյանն էր մայիսի 20-ին Վանաձորում ՔՊ-ի քարոզարշավի ժամանակ հայտարարել վաղը ԲՀԿ-ի ցուցակով առաջադրված պատգամավորության թեկնածու Անդրանիկ Թևանյանի դեմ քրեական գործ կհարուցվի՝ լրտեսության և հայրենիքի դավաճանության հոդվածով։

Մայիսի 21-ին Քննչականը գործը  հարուցել էր 

Անդրանիկ Թևանյանն էլ  հերքել էր Նիկոլ Փաշինյանի հայտարարությունից հետո Քննչական կոմիտեի կողմից իրեն առաջադրված մեղադրանքներն ու կասկածի տակ դրել իր դեմ պետական դավաճանության  և լրտեսության հատկանիշներով քրեական վարույթ նախաձեռնելու հիմքերը։