Oրերս առանձնապես ծանր հանցագործություն է տեղի ունեցել Երևանում.  զոհի վրա մի քանի կրակոց արձակելուց հետո մարդասպանը, տեսնելով, որ հետապնդվողը փորձում է փախչել,   «Mercedes GLE» մակնիշի ավտոմեքենայով վրաերթի է ենթարկել նրան, սպանել ու ինքն է դիմել փախուստի։

Ինչպես հայտնում է ֆոտոլրագրող Գագիկ Շամշյանը, մահացածի մարմինը անհայտ անձինք   տեղափոխել են «Էրեբունի» բժշկական կենտրոն, որտեղ էլ «սպանություն» հատկանիշներով նախաձեռնվել է քրեական վարույթ։

Իսկ սպանություն կատարողը, ով հետագայում պարզվել է, որ Երևանի բնակիչ 35-ամյա Սարգիս Ս.-ն է, նպատակ ունենալով Հայաստանի սահմանը հատելով՝ անցնել Վրաստան, Իջևան-Դիլիջան ավտոճանապարհին վթարի է ենթարկվել. բախվել է բետոնե պատնեշին և հայտնվել Աղստև գետում, որտեղից նրան տեղափոխել են «Դիլիջան» բժշկական կենտրոն։  Բուժօգնություն ստանալուց հետո նա փորձում է այդտեղից էլ փախչել, սակայն բռնվել է։