Ընտրություններից 3 ամիս առաջ հրապարակված սոցհարցման արդյունքերը դեռևս վերջնական պատկեր չէ, այս մասին խորհրդարանական ճեպազրույցների ժամանակ ասաց «Պատիվ ունեմ»  խմբակցության ղեկավար Հայկ Մամիջանյանը՝ անդրադառնալով ամերիկյան միջազգային հանրապետական ինստիտուտի՝ IRI-ի հրապարակած սոցհարցումներին:

 Հայկ Մամիջանյանը բացատրություն չունի, թե ինչու ամերիկյան միջազգային ինստիտուտը չի հրապարակել ՀՀԿ-ի կամ էլ «Պատիվ ունեմ»  խմբակցության վերաբերյալ անցկացրած հարցման տվյալները:

Ընդդիմադիր ուժի ներկայացուցիչն ասում է, որ այս պահին իրենց մեկ բան է հետաքրքրում՝ Նիկոլ Փաշինյանին իշխանությունից հեռացնելը:

«Այս հարցումների արդյունքները ՔՊ-ականները ուրախ-ուրախ տարածում են, նրանք ուղղակի հարցում կարդալ չգիտեն, երբ այդ թվերը բանաձևով անցում ես անում ռեյտինգի, ապա Փաշինյանի վիճակն այդքան էլ լավ չի, 50 տոկոսից պակաս է լինում: Ուրախ-ուրախ տարածում են, բայց սոցիոլոգիական բանաձևերով Փաշինյանը 50 տոկոսից պակաս ձայն է հավաքում»,- նշեց նա:

Հիշեցնենք, որ ամերիկյան միջազգային հանրապետական ինստիտուտը՝ IRI-ն, հրապարակել է ՀՀ-ում անցկացված հարցումները։ Ըստ IRI ընկերության կողմից անցկացված հարցման՝ «ո՞ր քաղաքական կուսակցությանը կամ դաշինքին կքվեարկեիք, եթե խորհրդարանական ընտրությունները լինեին հաջորդ կիրակի», պատասխանները բաշխվել են հետևյալ կերպ.

ՔՊ – 24 տոկոս,

«Ուժեղ Հայաստան» - 9 տոկոս,

«Հայաստան» դաշինք և ՀՅԴ – 3 տոկոս,

ԲՀԿ – 3 տոկոս: