«Ներքին գործերի նախարարությունում մեկնարկած պաշտոնանկությունների շքերթը ոչ թե սովորական ռոտացիա է, այլ երկար ժամանակ տեղում դոփող իրավապահ համակարգի ձախողման խոստովանություն։

Երբ աշխատանքից ազատվում են Քրեական ոստիկանության, Պարեկային ծառայության և Հասարակական անվտանգության ապահովման գլխավոր վարչության պետերը, դա նշանակում է մեկ բան՝ պետության ողնաշարը համարվող անվտանգային բլոկը տապալվել է։

Հայաստանը վերջին շրջանում սկսել է հիշեցնել 90-ականների Սիցիլիան. կրակոցներ քաղաքի կենտրոնում, թմրամիջոցների անարգել շրջանառություն և քրեական ենթամշակույթի վերածնունդ։ Սակայն պետք է հասկանալ՝ խնդիրը միայն անունների մեջ չէ։

Պաշտոնյաներին փոխելով հնարավոր է փոխել ցուցանակը, բայց ոչ իրականությունը։ Հանցավորության դեմ պայքարը պահանջում է ոչ թե կադրային քաշքշուկ, այլ քաղաքական կամք և համակարգային վիրահատություն։

Գործից հանելը պատիժ չէ, եթե դրան չի հաջորդում փողոցում քաղաքացու անվտանգության վերականգնումը։»

Մ.Դ.

Meganews.am