Ամբողջ ամառ պարողներն ու պարուհիները անխոնջ պարապում են՝ պատրաստվելով հերթական առաջնություններին։ Այս եռանդուն մրցաշրջանը բացառություն չէ նաև Հայաստանի բազմակի չեմպիոնների, միջազգային բազմաթիվ մրցույթների ֆինալիստների, Համահայկական խաղերի չեմպիոններ և փոխչեմպիոններ Արարատ Վարդանյանի և Մարիամ Փափազյանի համար։

Նրանց նոր մրցաշարային ուղին սկսվելու է Ռուսաստանի Դաշնությունում, որտեղ հոկտեմբերի 26-ին կանցկացվի աշխարհի բաց առաջնությունը, և մեր սիրելի զույգը նույնպես հրավիրված է այդ բարձրակարգ միջոցառմանը։

Այնուհետև՝ դեկտեմբերին, Արարատն ու Մարիամը կմեկնեն Միացյալ Արաբական Էմիրություններ, որտեղ Աբու Դաբիում կանցկացվի ևս մեկ կարևոր միջազգային մրցաշար։

2026 թվականին արդեն նախատեսվում է մասնակցություն աշխարհի ամենահեղինակավոր և ամենամասշտաբային պարային մրցույթին՝ “Blackpool Dance Festival”-ին, որը տեղի է ունենալու Անգլիայի Միացյալ Թագավորությունում։

Մենք ողջ սրտով մաղթում ենք Արարատ Վարդանյանին և Մարիամ Փափազյանին անսահման հաջողություններ, վստահ քայլեր և միայն հաղթանակներ՝ պարի հիասքանչ ու վեհ աշխարհի բեմում։

Լրագրող՝ Հասմիկ Բլեյան 

22.09.25