«Եկեք գնանք Կիրանց և տեսնենք՝ սահմանազատումը բխո՞ւմ է ՀՀ  շահերից թե՞ չի բխում»,- ԱԺ-ում ասաց վարչապետ Նիկոլ Փաշինյանը, ի պատասխան ընդդիմադիր պատգամավորների քննադատությունների։

«Այո դա մի հարց է, որն ունի և՛ տեսական, և՛ գործնական հարթություն»,-ասաց Փաշինյանն ու հավելեց, թե  «իրական Հայաստանի» հայեցակարգն իրագործված է Կիրանցում։

Փաշինյանը հայտարարեց նաև, թե ընդդիմության վարած քաղաքականությունը կառավարությանը ձեռնտու է։

«Որովհետև դա ստեղծում է որոշակի երաշխիք, որ ՀՀ-ում կառավարող մեծամասնությունն այս ծրագիրը կկարողանա առաջ տանել մինչև վերջ ու կստանա ժողովրդի վստահությունը, երաշխիք, որ դահլիճի այս հատվածում կառավարող մեծամասնությանը քաղաքական այլընտրանք չի ձևավորվի»,-ասաց նա։