ԱԺ նախագահ Ալեն Սիմոնյանը հույս ունի, որ բնակչության գերակշիռ հատվածը, որն այլևս չի հավատում ոչ ընդդիմությանն ու ոչ իշխանությանը, դեռ ժամանակ ունի մտածելու և կողմնորոշվելու։

«1 տարի 8 ամիս ընտրություններին դեռ կա, քարոզարշավ կլինի և ժողովուրդը կկողմոնորշվի»,- հայտարարեց Սիմոնյանը՝ լրագրողների հետ զրույցում։

Նա մտավախություն չունի, որ իրենց թիմը չի հաղթի։

«Կարևորը ոչ ոք այսօր չի ասում, թե ընտրությունները կեղծվելու են»,- ասաց նա լրագրողների հետ զրույցում։

Անդրադառնալով «Պատիվ ունեմ» խմբակցությանը՝ Ալեն Սիմոնյանն ասաց. «Խի նման բան գոյություն ունի՞։ Հիմա այն Վանեցյանի՞նն է, Սերժ Սարգսյանի՞նն է, թե ումն է»,- ասաց Ալեն Սիմոնյանը։

ԱԺ նախագահը նաև պատասխանեց հարցին, թե արդյոք շփվո՞ւմ է իր ընկեր Արթուր Վանեցյանի հետ՝ հայտարարելով. «Չէ, չեմ շփվում, ցավոք սրտի, շատ ցավոք»։