ՀՀԿ խոսնակ Էդուարդ Շարմազանովին չի զարմացնում այն, որ ՀՀ իշխանությունները բարձր մակարդակով չեն արձագանքում Ադրբեջանի նախագահ Իլհամ Ալիևի հայտարարություններին, որով նա պահանջում է Հայաստանից ճանաչել Խոջալուի «ցեղասպանությունը»։

Առհասարակ, նրա գնահատմամբ, գործող իշխանությանը չի կարելի համարել Հայաստանի իշխանություն, քանի որ, Շարմազանովի խոսքով, նրանց վարած քաղաքականությունն իրեն հիշեցնում է պանթուրքիզմի գործելաոճը։

«Ի՞նչ եք ուզում մի իշխանությունից, որ Արցախն է հանձնել, Հայաստանից հողեր է հանձնել, Տավուշը տալիս է ու ներկայացնում դա որպես փրկություն։ Ալիևը բռնել է նրանց վախը, իրենք ո՞նց կարող են Ալիևի դեմ խոսել։ Իրենք ո՞նց պետք է մեզ պաշտպանեն, եթե իրենք իրենց չեն կարողանում պաշտպանել։ Ալիևն ինչ ասես՝ չասեց իրեն (նկատի ունի Նիկոլ Փաշինյանին-խմբ․), մի ձայն- մի ծպտուն հանե՞լ են։ Բա որ իր արժանապատվությունը չի պաշտպանում, ինքը ո՞նց կարա Հայաստանի ժողովրդի արժանապատվությունը պահի»,- ասաց Շարմազանովը։