Խոշոր հրդեհ է բռնկվել Չարենցավանի բնակելի շենքերից մեկում
Այսօր՝ ժամը 20։50-ի սահմաններում ահազանգ է ստացվել, որ Չարենցավան քաղաքի 6-րդ թաղամասի 29 շենքի 4-րդ հարկի բնակարաններից մեկում հրդեհ է բռնկվել։
Ինչպես հայտնում է ֆոտոլրագրող Գագիկ Շաամշյանը, դեպքի վայր են ժամանել Չարենցավանի թիվ 47 և Հրազդանի թիվ 44 հրշեջ-փրկարարական ջոկատներից 1-ական մարտական հաշվարկ և ավտոսանդուղք։
Ըստ նախնական տեղեկությունների, տուժածներ չկան, սակայն բնակարանի ողջ գույքը ամբողջովին վերածվել է մոխրակույտի։
Ֆոտոլրագրողը հայտնում է, որ կրակը տեսանելի է մի քանի 100 մետրից։
