Սիրելի' հայրենակիցներ, սիրելի' շենգավիթցիներ.

Շնորհավորում եմ Ամանորի և Սուրբ ծննդյան տոների կապակցությամբ։

Ավարտվեց ևս մեկ տարի, որը լի էր փորձություններով և հագեցած տարբեր իրադարձություններով ու ձեռքբերումներով, հաղթահարելով մեր առջև ծառացած բոլոր դժվարությունները՝ աշխատել ենք ավելի մեծ պատախանատվությամբ, որի արդյունքում ունենք շոշափելի ցուցանիշներ։

Տարվա ընթացքում կատարված բոլոր աշխատանքների հիմքում եղել և շարունակում է մնալ վարչական շրջանի համաչափ զարգացումը։

Վարչական շրջանի բազմաթիվ հարցեր իրենց ճիշտ լուծումն են գտել շնորհիվ փոխադարձ վստահության, ներդրած համատեղ ջանքերի և նվիրումի, մեր մարդակենտրոն բոլոր գործողությունները ծառայեցրել ենք ի շահ ժողովրդի և նրա բարեկեցիկ կյանքի։

Շնորհակալ եմ մեր թիմին ցուցաբերած բարձր պատասխանատվության և պատրաստվածության համար։

Շենգավիթ վարչական շրջանի սիրելի’ բնակիչներ, համոզված եմ, որ հաջորդ տարիներին ևս նույն սրտացավության և վստահության շնորհիվ շարունակելու ենք գործել՝ ամրորեն կառչած մեր սկզբունքներից և ապագայի տեսլականը կյանքի կոչելու վճռականությունից։

Տոկալու և արարելու ենք, մրցակցային խնդիրներին տալու ենք բարեհաջող լուծումներ, կառուցելու ենք մեր երազանքների հայրենիքը։
Խաղաղություն, առողջություն, բարօրություն բոլորիս։
    
Շնորհավոր Ամանոր և Սուրբ ծնունդ։