«Տիկին Հարությունյան, կարծում եմ՝ դուք չեք ընտրվի»,- Կոռուպցիայի կանխարգելման հանձնաժողովի անդամի ընտրության հարցի քննարկման ժամանակ, դիմելով հանձնաժողովի անդամի պաշտոնում առաջադրված Հայկուհի Հարությունյանին, հայտարարեց ընդդիմադիր խմբակցության պատգամավոր Գառնիկ Դանիելյանը: «Երեկ ամբողջ օրն այստեղ լսեցինք երկու բան, մեկը, որ արտահոսք է տեղի ունեցել փակ նիստից, մյուսն էլ ձեր հայտարարագրի հարցն էր: Կարծում եմ՝ ավելի լուրջ ու խորքային խնդիրներ ունենք, որ պետք է այս ամբիոնն օգտագործենք դրա համար, խոսենք այն արատավոր երևույթներից, որ տեղի են ունեցել անցած տարիների ընթացում՝ ոչ միայն ձեր իշխանության 6 տարիների ընթացում, այլև անկախության ամբողջ շրջանում. յուրայիններին՝ ամեն ինչ, ընդդիմադիրներին՝ ոչինչ սկզբունքով»,- հավելել է պատգամավորը: