Ադրբեջանի ԱԳՆ-ն արձագանքել է Եվրախորհրդարանում Նիկոլ Փաշինյանի ելույթին։

 

Բաքվից նշել են, որ պաշտոնական Երևանը, «շարունակելով ագրեսիվ հռետորաբանությունը և Ադրբեջանին ուղղված մեղադրանքները, վճռական է էլ ավելի խարխլելու խաղաղության համաձայնագրի հեռանկարները»։

 

«Վիրավորական է նման հայտարարություններ լսել Հայաստանից, որն իրեն ներկայացնում է որպես խաղաղ, ժողովրդավար երկիր, որը հարգում է միջազգային իրավունքը, բայց չի հրաժարվում Ադրբեջանի տարածքային ամբողջականության և ինքնիշխանության նկատմամբ իր հավակնություններից»,- ասվում է Ադրբեջանի ԱԳՆ հայտարարության մեջ։