Գեղամասարում իրավիճակը հիմա հարաբերական խաղաղ է, բայց պայթյունավտանգ վիճակ է: Այս մասին 24News-ի հետ զրույցում ասաց Գեղամասար համայնքի նախկին ղեկավար Հակոբ Ավետյանը: 

 

«Վնասված ենթակառուցվածքներ չկան, վիրավորներ ու զոհեր քաղաքացիական անձանց շրջանում չունենք»,- նշել է Ավետյանը:

 

Անվտանգությունից ելնելով հնարավոր է տարհանվեն գյուղի երեխաներն ու կանայք. «Մենք սեպտեմբերի 13 ենք տեսել, ու ադրբեջանցին կարող է նույնը կրկնել: Չեմ ուզում խուճապ տարածել, բայց մեզ համար առաջնային է մեր երեխաների անվտանգությունը, դրանով պայմանավորված հնարավոր է տարհանենք գյուղից»,- ասել է նախկին ղեկավարը: