Հակակոռուպցիոն կոմիտեն ձերբակալել է փաստաբան Ռուբեն Հակոբյանին, հայտնում են Factor TV-ն։

Ըստ լրատվամիջոցի ունեցած նախնական տեղեկությունների՝  գործը վերաբերում է Լոռու մարզում քննվող քրեական վարույթի շրջանակներում արդարադատության իրականացմանը կամ գործի քննությանը միջամտելու ենթադրյալ դեպքին։

Ռուբեն Հակոբյանը Հայաստանի երրորդ նախագահ Սերժ Սարգսյանի, «Մեր ձևով» շարժման առաջնորդ, «Ուժեղ Հայաստան» կուսակցության առաջնորդ Սամվել Կարապետյանի փաստաբանն է։

Aysor.am-ը փորձեց մեկնաբանություն ստանալ Հակակոռուպցիոն կոմիտեից, կոմիտեի մամուլի խոսնակը, սակայն, անարձագանք թողեց հեռախոսազանգերը։