65 միլիոն դոլար վարչապետի աշխատակազմին․ համեմատություն եվրոպական պետությունների հետ
ՀՀ-ն վարչապետի աշխատակազմին տարեկան տրամադրում է շուրջ 65 միլիոն ԱՄՆ դոլար։ Սա ավելի շատ է, քան Իսպանիայի, Շվեդիայի, Բելգիայի և Դանիայի թագավորական ընտանիքներին տրվամադրվող ընդհանուր տարեկան գումարը՝ միասին վերցրած, գրել է «Մեր ձևով» շարժման ներկայացուցիչ Արթուր Դանիելյանը։
«Պետությունների, որտեղ կան թագավորներ, թագուհիներ, պալատներ, ավելի շատ պետական արարողություններ ու դարավոր միապետական ինստիտուտներ։
Ի դեպ՝ Հայաստանում դարերի կարևորագույն պատմություն ունեցող ինստիտուտը Հայ Առաքելական Սուրբ Եկեղեցին է։
Հարց է առաջանում․
թագավորներ ունեցող երկրներում թագավորական ինստիտուտները ավելի քիչ են արժենում պետությանը,
մինչդեռ Հայաստանում՝ ոչ թագավորություն ունենք, ոչ պալատներ, բայց ունենք ամենաթանկ «աշխատակազմը»։
Երբ պետության դարավոր ինստիտուտը գոյատևում է նվիրատվություններով ու հավատով,
իսկ ժամանակավոր իշխանական ապարատը՝ տասնյակ միլիոններով, ո՞վ է իրականում ծառայում պետությանը, և ո՞վ է պետությունը դարձրել սեփական «կարիքների» սպասարկման գործիք»։
