Այսօր, Կոտայքի մարզի Հրազդան համայնքից  պարտադիր ժամկետային զինվորական ծառայության մեկնեցին ամառային զորակոչի առաջին հավաքի նորակոչիկները՝ փոխարինելու իրենց  ավագ ընկերներին և ստանձնելու հայրենիքի պաշտպանության սուրբ գործը։։ 

Meganews.am-ը տեղեկանում է Հրազդանի համայնքապետարանի  ֆեյսբուքյան էջից:

Կոտայքի ՄՏՍ Հրազդանի  բաժանմունքի տարածքից նորակոչիկներին հանդիսավորությամբ ճանապարհելու էին եկել՝ Հրազդան համայնքի ղեկավար Սևակ Միքայելյանը,      
ՀՀ ՊՆ Զ և ԶՀԾ Կոտայքի ստորաբաժանման ղեկավար՝ Արմեն Հարությունյանը, 
Կոտայքի մարզային ստորաբաժանման Հրազդանի բաժանմունքի ՊԺԿ  մայոր՝ էմին Վարդանյանը,                                          Սուրբ Մարիամ Աստվածածին եկեղեցու հոգևոր հայր Տեր Համազասպը:

Զորակոչիկներին օրհնության խոսք է ասել Սուրբ Մարիամ Աստվածածին եկեղեցու հոգևոր հայր Տեր Համազասպը:

Ողջունելով ներկաներին՝ Հրազդան համայնքի ղեկավար Սևակ Միքայելյանը տղաներին մաղթել է առողջություն, խաղաղ ու անփորձանք ծառայություն և բարի վերադարձ:

Կոտայքի տարածքային ստորաբաժանման Հրազդանի բաժանմունքի պետի, ՊԺԿ մայոր` Էմին Վարդանյանը շնորհավորելով նորակոչիկներին Հայոց բանակ մեկնելու կապակցությամբ, մաղթել է նրանց բարի և խաղաղ ծառայություն, որից հետո տղաները շարժվել են դեպի կենտրոնական հավաքակայան։ 

Հայրենասիրության և հայ տղամարդուն վայել արժանապատվության գիտակցությամբ նրանք համալրելու են հայոց  բանակի շարքերը։
Ժամկետային զինվորական ծառայության մեկնող տղաները,  ոչ մի իրավիճակում չպետք է կորցնեն իրենց զգոնությունը, պետք է լինեն միասնական, հոգատար միմյանց նկատմամբ, դժվարությունները հաղթահարող, ուս ուսի տված՝ միասնական ուժով։  Թող նրանց ծառայությունը խաղաղ լինի և բոլոր կրակոցները լինեն միայն ուսումնական։ 

Հիշեցնում ենք, որ 2024 թվականի ամառային զորակոչը Հրազդան համայնքում կշարունակվի մինչև հուլիս ամսվա վերջ։

Meganews.am