Չնայած հասարակական կազմակերպությունների գնահատականին, որ «Քաղաքացիական պայմանագիրը» կուսակցական դրամահավաքն իրականացրել է օրենքի խախտմամբ, իրավապահները քրեական վարույթ չեն նախաձեռնել:

Գլխավոր դատախազությունից «Ազատության»-ը փոխանցեցին՝ ուսումնասիրել են, բայց հանցանքի և զանցանքի մասին հատկանիշներ չեն հայտնաբերել: Հրապարակումից հետո հանցագործության մասին հաղորդում ներկայացրած Հելսինկյան քաղաքացիական ասամբլեայի Վանաձորի գրասենյակի ներկայացուցիչ Վարդինե Գրիգորյանի համար այս որոշումը սպասելի էր:

«Եթե լիներ իրական քաղաքական կամք՝ այդ ամբողջը քննելու, բացահայտելու, հանգիստ կարող էին, նաև հաշվի առնելով արժանահավատ տեղեկությունները, ուսումնասիրել կամ հարցումների միջոցով, կամ հենց տվյալ անձանց միջոցով պարզել օրինակ՝ եկամուտների չափը կամ այլ տարբեր հանգամանքներ, առնվազն պարզել հանգամանքները՝ իրենց կողմից նվիրատվություն իրականացնելու, որովհետև ակնհայտ է, որ համեմատության մեջ երևում էր, որ անձի սոցիալական վիճակը թույլ չէր տա իրեն կատարել այդպիսի նվիրատվություն, - ասաց ընտրական ոլորտի փորձագետը։

Ավելին՝ սկզբնաղբյուր կայքում։