«Մենք վերադարձել ենք։ Ցավում ենք նրանց համար, ովքեր այսօր չէին կարողանում մուտք գործել Facebook»: Այդ մասին հայտարարություն է տարածել «Ֆեյսբուք» սոցիալական ցանցը։ 

Հիշեցնենք՝ գրեթե 1 ժամ  X (Twitter), YouTube, Google ծառայությունները, TikTok, Facebook, Instagram և այլ խոշոր կայքերն ամբողջ աշխարհում խափանվել են։ 

Facebook-ն ու Instagram-ը միանգամից անհասանելի են դարձել օգտատերերի համար․ նրանց «դուրս են շպրտել օգտահաշիվներից»։

Ավելի վաղ հայտնի էր դարձել՝ Կարմիր ծովում կտրվել են գլոբալ ինտերնետի մալուխները։ 

Հութիները 25 տոկոսով խզել են կապը Եվրոպայի, Ասիայի և Աֆրիկայի միջև։