«Եթե մեռնելու ենք, ավելի լավ է մեռնենք կռվելով ու պատվով»․ այսօր Պետոյի հիշատակի օրն է
1994թ․-ի փետրվարի 14-ին զոհվել է ազատամարտիկ, ՀՅԴ անդամ Պետրոս Ղևոնդյանը՝ Պետոն։
1990-1994 թթ. մասնակցել է Հայաստանի սահմանամերձ շրջանների ու ԼՂՀ ինքնապաշտպանական և ազատագրական մարտերին։ Իր հրամանատարությամբ գործող գումարտակի հետ նա մասնակցել է Շահումյանի, Մարտակերտի, Մարտունու և Հադրութի շրջանների տասնյակ բնակավայրերի ազատագրման մարտերին, Քարվաճառի թշնամական հենակետերի ոչնչացման ռազմագործողությանը։
Զոհվել է 1994թ․-ի փետրվարի 14-ին՝ Քարվաճառում՝ վիրավոր զինակցին օգնություն ցույց տալու ժամանակ։