Ռուսաստանը հույս ունի, որ Երևանի և Բաքվի միջև խաղաղության պայմանագրի ստորագրման գործընթացը կշարունակվի, ասել է ՌԴ նախագահի մամուլի քարտուղար Դմիտրի Պեսկովը։

Լրագրողները Պեսկովին հարցրել են՝ արդյո՞ք այսօր առավոտյան տեղի ունեցած սահմանային հակամարտությունը վտանգում է խաղաղության պայմանագրի ստորագրումը։

«Նման միջադեպերը առնվազն չեն նպաստում այս գործընթացի առաջխաղացմանը, բանակցային գործընթացին կամ խաղաղության պայմանագրի ստորագրմանը մոտենալուն։ Բայց մենք հույս ունենք, որ այդ գործընթացը կշարունակվի»,- ասել է Պեսկովը։

Հիշեցնենք, որ այսօր առավոտյան Ներքին Հանդի ուղղությամբ ադրբեջանական զինուժի արձակած կրակի հետևանքով հայկական զինված ուժերի չորս զինծառայող է զոհվել։ Եվս մեկը վիրավորվել է։