«Հաշվառումը ամենակարևոր նախապայմաններից մեկն է, որովհետև մեր օրենսդրությամբ սահմանված է, որ պետք է Հայաստանի Հանրապետությունում հաշվառված լինի անձը: Դա չի վերաբերում Միգրացիոն ծառայության հաշվառումներին, այսինքն, երբ որ Գորիսում, Վայքում, այլ տարածքային կենտրոններում՝ մարզպետարաններում, տեղական ինքնակառավարման մարմինների կողմից այս ընթացքում բացված  հաշվառման կենտրոններում, որտեղ որ ծառայություն էին իրականացնում: Պետք է ՀՀ որևէ հասցեում հաշվառված լինի անձը, որ կարողանա ստանալ  սոցիալական աջակցություն: Նրանք, ովքեր, որ առցանց դիմումով կներկայացնեն տվյալները, մենք վճարումները կանենք, եթե իրենք ունեցել են իրավունք»,- այսօր ԱԺ ութերորդ գումարման արտահերթ նիստին ասաց Աշխատանքի և սոցիալական հարցերի նախարար Նարեկ Մկրտչյանը:

 

Այն անձիք, ովքեր նոր պետք է իրացնեն իրենց իրավունքը, որ ստանան սոցիալական աջակցություն, պետք է մոտենան միասնական սոցիալական ծառայության կենտրոն, դա վերաբերում է նաև հաշմանդամություն ունեցող անձանց, որոնք պետք է իրացնեն իրենց իրավունքը, այստեղ հիմք են ընդունվելու ԼՂ-ի բժշկասոցիալական փորձաքննության տեղեկանքները և ԼՂ-ից բռնի տեղահանված մեր հայրենակիցները հնարավորություն կստանան դառնալ ֆունկցիոնալության համակարգի շահառու:

 

Այս ընթացքում կառավարության կողմից վճարվել են.

100.000 դրամ միանվագ աջակցություն տրամադրվել է 108. 336 անձի,

40+10 հազարների վճարում կատարվել է 99 820 անձի։

Նոյեմբեր ամսվա համար 77.000 դիմում կա 40+10 հազար դրամների ստացման համար,

53 783 մարդ գրանցվել է  երկամսյա 50 հազար դրամների աջակցության համար: