«Սերունդ» հիմնադրամը, որոշակի տեխնիկական աշխատանքներ կարգավորելուց հետո, շարունակում է իր գործունեությունը։ Այն համակարգում է «Մարդկային զարգացման միջազգային կենտրոնի» ղեկավար Թևան Պողոսյանը։ 

Նրա փոխանցմամբ, հիմնադրամի միջոցներից նախատեսվում է Արցախում ծնված երեխաներին ամսական 50 000 դրամ օժանդակություն տրամադրել՝ մինչ 16 տարեկան դառնալը:

     «Սկիզբը Չարեկտար և Եղծահող գյուղերն են շահառուները: Հետո ինչքան                գումար  ավելանա՝ այլ գյուղեր են ներառվելու»,– NEWSPRESS.am–ի հետ                     զրույցում տեղեկացրեց Թևան Պողոսյանը։

Հատկանշական է, որ հիմնադրամը նպատակ է դրել ստեղծել ամենամսյա նվիրաբերողтերի համայնք՝ յուրաքանչյուրին պարտադիր ամենամսյա նվիրաբերող դարձնելու ձգտումով։ Այսինքն՝ կարևոր է ոչ թե նվիրաբերվող գումարի չափը, այլ նվիրաբերող մասնակիցների թիվը։

               «Նպատակն այն է, որ ոչ թե գումարի մեծությունը լինի, այլ մասնակցության                  պարբերությունը՝ թեկուզ 50 դրամով, բայց ամեն ամիս                                                մասնակցելը՝  ամբողջ գիտակցված կյանքում»,- նշեց Թևան Պողոսյանը։

Հավելենք միայն, որ նվիրաբերություն կատարելու համար կարող եք այցելել www.serund.am վեբ կայքը։

Իսկ ստորև ներկայացված տեսանյութում կարող եք դիտել՝ ինչպես կատարել նվիրատվություն: