Արցախցի երիտասարդ ամուսինները, ովքեր կարճ ժամանակ է, ինչ վարձով բնակվում են Երևանի Բաբաջանյան փողոցի շենքերից մեկում, Ամանորից առաջ դարձել են գողության զոհ։ Դեպքը տեղի է ունեցել դեկտեմբերի 26-ին՝ ժամը 13։00-ից 17։00-ն ընկած ժամանակահատվածում։

Ինչպես հաղորդում է Shamshyan.com-ը, երիտասարդ ամուսիններից գողացել են ոսկեղեն և կանխիկ գումար՝ ընդհանուր առմամբ պատճառելով մոտ 7 միլիոն դրամի վնաս։  

Ամուսինները դիմել են ոստիկանություն, հետո ՔԿ-ից են եկել, կազմել արձանագրություն և հեռացել։

«Հատկանշական է, որ շենքի բակում և մուտքի դռան վրա առկա են տեսախցիկներ, սակայն քննչական մարմինը դեռևս չի վերցրել այդ տեսագրությունները։ Ուզում ենք հավատալ, որ Քննչական կոմիտեն ու ոստիկանությունը գողությունը կբացահայտեն ու գողին կամ գողերին կենթարկեն պատասխանատվության»։