Հայաստանի բասկետբոլի ֆեդերացիայի մրցավարներից Թամարա Հարությունյանը մասնակցել է ՖԻԲԱ Եվրոպայի մրցավարական ճամբարին։ Այդ մասին հայտնում է ՀԲՖ մամուլի քարտուղարությունը:

 

Ավստրիայի մայրաքաղաք Վիեննայում անցկացված Մ20 տարեկանների տղամարդկանց մրցաշարին զուգահեռ ՖԻԲԱ-ի Եվրոպայի մրցավարական բաժինը կազմակերպել էր մրցավարների ճամբար, որին առաջին անգամ մասնակցել է հայ կին մրցավար։

 

ՀԲՖ մամուլի քարտուղարության հետ զրույցում Թամարա Հարությունյանը խոսել է իր մասնակցության մասին։

 

«Ծրագիրը շատ հագեցած էր. բացի դասախոսություններից և գործնական մրցավարությունից, բոլոր մասնակիցները հանձնեցին նաև կանոնների գիտելիքների թեստ: Հիմնական նպատակը մրցավարներին նախապատրաստելն էր Եվրոպայի առաջնություններին։

 

Մինչև այս ճամբարին մասնակցելը արդեն իսկ բարեհաջող հանձնել էի քննությունները և ստացել ՖԻԲԱ-ի մրցավարական արտոնագիր»,- ասաց Թամարա Հարությունյանը։