Երևանի ավագանու նիստին եկել էր մասնակցելու նաև նախկին քաղաքապետ, ավագանու նախկին անդամ Հայկ Մարությանը: Լրագրողների հետ զրույցում նա նշեց, որ «Ազգային առաջընթաց» խմբակցությունն առաջարկ է ներկայացրել, որպեսզի որպես հրավիրյալ անձ մասնակցի նիստին ու ելույթ ունենա։ «Իմ մասնակցությունը նիստին ըստ օրենքի թույլատրելի է, սակայն մերժում է եկել, ապօրինություն է»,- ասել է Հայկ Մարությանը։