ՀՀ սուվերեն տարածքի վրա տեղի է ունեցել ռազմական գործողություն ու ՀԱՊԿ-ը համապատասխան գնահատական չի տվել, այս մասին ԱԺ-ում հայտարարեց Տարածաշրջանային և եվրասիական ինտեգրման հարցերի հանձնաժողովի փոխնախագահ Վաղարշակ Հակոբյանը։

«Որոշակի գործողություններ կան, որ մենք պետք է իրականացնենք»,- ասաց նա։

Ի տարբերություն ՀԱՊԿ-ի՝ ԵԱՏՄ բլոկում, ըստ Վաղարշակ Հակոբյանի, բավականին արդյունավետ գործունեություն է ծավալվում։

«Մինչև այս պահը Հայաստանը շարունակում է ԵԱՏՄ նախագահությունը, ես կարծում եմ, որ ԵԱՏՄ-ն բավականին լուրջ հնարավորություններ է մեր տնտեսությանը ընձեռել ու ընձեռում»,- նշեց նա։

Պատգամավորի խոսքով՝ Հայաստանը ԵԱՏՄ կանոնադրությամբ ու ԵԱՏՄ օրենքներով սահմանված կարգով է առաջնորդվելու ու կատարելու ստանձնած պարտավորությունները։