Այս մարդը չի հասկանում՝ նախընտրական շրջան է, թե նախընտրական չէ, իշխանությանը լսում են նաև դրսում։ Այս մասին «Հայաստան» դաշինքի քարոզարշավի ժամանակ, Ապարանում ասել է Ռոբերտ Քոչարյանը:

Խոսելով Ռոսսելխոզնադզորի՝ Հայաստանից ծաղիկների ներմուծման սահմանափակումների մասին, Քոչարյանը նշել է.

«Երեկվա արձագանքն ուղղակի շատ վատ նշան է: Ես այդ երկիրը շատ լավ գիտեմ, ես տողերի արանքով կարդում եմ, թե այդ պաշտոնյաներն ինչ են ասում: Ասում են՝ դուք, ժողովուրդ ջան, պրոբլեմ ունեք այս իշխանության հետ և այն սահմանափակումները, որ արդեն մտցրել են ծաղիկների արտահանման հետ կապված, հազարավոր մարդկանց ուղղակի վնաս է հասցնելու: 

Ես, անկեղծ ասեմ, չեմ հասկանում: Լավ, մտել ես քարոզարշավ, չես կարո՞ղ լեզուդ տեղը պահես, գոնե մեծ պետություններին չկպնես, հանգիստ մնա»,-ասել է նա: