Երևանի ավագանու «Մայր Հայաստան» խմբակցության անդամ Գևորգ Ստեփանյանը ֆեյսբուքյան իր էջում գրում է․ «Հարգելի՛ երևանցիներ, հաշվի առնելով քաղաքում տիրող վիճակը՝ կապված փոսերի ու խայտառակ ասֆալտապատման հետ, երթևեկելիս եղեք չափազանց զգուշավոր։
Վերջին «փոսալցման» ու ասֆալտապատման աշխատանքները կատարվել են շատ անորակ։
Նոր արված ասֆալտը՝ առանց հիմքի ու առանց բիտում, քանդվում ու առաջացնում է վտանգավոր փոսեր, «խրամատներ»։
Քաղաքի բյուջեից մսխվել է 2 մլրդ 492 մլն դրամ։
Երևանցիներից ու Երևանից «մուռ» հանելու վերջ կդրվի հունիսի 7-ին»։