Ըստ Քրիստիննե Գրիգորյանի՝ խեղաթյուրում են Նիկոլ Փաշինյանի խոսքը, երբ ասում են, որ վարչապետն աշնանը պատերազմ է կանխատեսում
Արտաքին հետախուզության ծառայության պետ Քրիստիննե Գրիգորյանը վստահեցնում է, որ Հայաստանի պետական մարմինները շարունակում են իրենց աշխատանքը, հետևում են Մերձավոր Արևելքում տիրող իրավիճակին։
«Ռիսկերը գնահատում են, գործողությունները կատարում են»,- լրագրողներին ասաց նա։
Հարցին՝ աշնանը ի՞նչ պատերազմ է կանխատեսում Նիկոլ Փաշինյանը՝ նա արձագանքեց. «Վարչապետի խոսքը պետք չի խեղաթյուրել»։
Հիշեցնենք՝ Նիկոլ Փաշինյանը երեկ հայտարարել է «Որոշ ուժեր պատրաստում են նոր՝ սեպտեմբերյան պատերազմ՝ ծանր հետևանքներով»։
«Բոլոր ուժերը հանդես են գալիս խաղաղության ռևիզիայի դիրքերից, ինչը նշանակում է անխուսափելի պատերազմ, ընդ որում՝ ընտրություններից շատ չանցած, մաքսիմալ աշնանը»,-ասել էր նա։
