ՀՀ արտաքին գործերի նախարարությունը հայտարարում է, որ ՀՀ ԱԳ փոխնախարարի` «Reuters» լրատվական գործակալությանը տված հարցազրույցում խոսքերը աղավաղվել են։

Aysor.am-ը դիմել է ԱԳՆ՝ ճշտելու՝ արդյոք ՀՀ արտաքին գործերի փոխնախարար Վահան Կոստանյանը հայտարարել է, որ «Ղարաբաղի հայերը տեսականորեն կարող են ապրել Ադրբեջանի վերահսկողության տակ»։

««Reuters» լրատվական գործակալությանը հարցազրույց է տվել ոչ թե ԱԳ փոխնախարար Վահան Կոստանյանը, այլ՝ փոխնախարար Պարույր Հովհաննիսյանը, վերջինիս հնչեցրած միտքը լրատվականը ներկայացրել է աղավաղված։ Լրագրողն ընդունել է իր սխալը և շտկել հոդվածը»,- Aysor.am-ին ասացին ԱԳՆ-ից։

Ավելի ուշ կտարածվի շտկված հոդվածը։