«Ոչ, ես նման հարց չեմ քննարկել, որովհետև չեմ կարծում նման հարց քննարկելու որևէ մանդատ ունեմ, իսկ Լաչինի միջանցքի հետ կապված հարց քննարկելու մանդատ ունեմ, որովհետև Լաչինի միջանցքը ստեղծվել է եռակողմ հայտարարությամբ՝ 2020-ի նոյեմբերի 9-ին, որի ստորագրողներից մեը ես եմ՝ Հայաստանի Հանրապետությունը: Հետևաբար, մենք այդ հարթակներում քննարկում ենք Լաչինի միջանցքի ապօրինի արգելափակման և այդ միջանցքի բացման և այդ միջանցքով բեռների, տրանսպորտային միջոցների, քաղաքացիների տեղաշարժման հետ կապված հարցերը, այլ հարցեր ես չեմ քննարկում»,- ընթացող ասուլիսի ժամանակ պարզաբանեց ՀՀ վարչապետ Նիկոլ Փաշինյանը՝ պատասխանելով հարցին, թե ի՞նչ դիրքորոշում ունի ՀՀ-ն՝ Աղդամ-Ստեփանակերտ ճանապարհով Արցախին օգնություն տրամադրելու հարցում: