«Քաղաքացիական պայմանագիր»-ը լուսանկարներ է տարածել՝ հայտնելով, որ այս պահին Դիլիջան քաղաքում ընթանում է կուսակցության 2-րդ քաղաքական ժողովը։

Հիշեցնենք՝ «Հրապարակ»-ը գրել էր, որ «չնայած միջոցառումն այսօր է սկսվում, սակայն ՔՊ-ականները երեկվանից արդեն մեկնել են Դիլիջան, որպեսզի մի լավ ռելաքս լինեն, երկրի հարցերը քննարկեն և առաջիկա ընտրություններում իրենց հաղթանակի հիմքերը դնեն։ Քաղաքական ժողովի օրակարգում լինելու են տարբեր հարցեր, սակայն կուսակցության մեր աղբյուրներից տեղեկացանք, որ գլխավոր հարցը լինելու է Երևանը «չհանձնելը», քննարկելու են սեպտեմբերին կայանալիք ավագանու ընտրություններին վերաբերող նախընտրական հարցեր»: