«Օրերս աննախադեպ կարկուտի պատճառով ՀՀ բազմաթիվ գյուղեր մեծ վնասներ են կրել, գյուղացիները զրկվել են ապրուստի միջոցից, շատ տեղերում գնահատում չի իրականացվել. հակակարկտային կայաները ոչ արդյունավետ են գործել»,- ԱԺ-ում դիմելով Էկոնոմիկայի նախարարին՝ ասաց «Հայաստան» խմբակցության պատգամավոր Գառնիկ Դանիելյանը: Վահան Քերոբյանը նշեց, որ նախարարությունն աշխատում է ձևավորել գյուղատնտեսական բերքի ապահովագրության շուկա. «Ամեն տարի սուբսիդավորում ենք ապահովագրավճաների էական մասը, որպեսզի գյուղացիները կարողանան եղանակային ռիսկերից ապահովագրել իրենց բերքը»: Պատգամավորին չգոհացրեց նախարարի պատասխանը. «Ապահովագրությունը շատ քիչ տեղերում է գործում, գյուղացին լուրջ խնդրի առաջ է կանգնած՝ կա՛մ արտագաղթի ճանապարհը պետք է բռնի, կա՛մ իր տուն-տեղը թողնի բանկերին ու վարկային կազմակերպություններին»,- ասաց Դանիելյանը: