Գեղարքունիքի մարզում առաջիկայում ծրագիր կիրականացվի, որ բնակիչներին ինքնապաշտպանվելու համար զենք տրամադրվի։

«Բնակավայրերում կստեղծվեն այնպիսի միջավայրեր, որտեղ իրենք ևս կկարողանան ինքնապաշտպանություն իրականացնել»,- ԱԺ-ում լրագրողների հետ զրույցում ասաց Գեղարքունիքի մարզպետ Կարեն Սարգսյանը։

Նա վստահ է, որ ադրբեջանական զորքերը մի օր հետ են գնալու ՀՀ սուվերեն տարածքից՝ անկախ իրենց ամրաշինական-ինժեներական աշխատանքներ իրականացնելուց։

«Ես չեմ կարող ասել՝ երբ է լինելու այդ օրը, բայց, վստահաբար, Հայաստանն իր սահմաններով լինելու է անառիկ», - նշեց մարզպետը։