ՀՀ վարչապետ Նիկոլ Փաշինյանի և ՔՊ-ականների միջև երեկ դռնփակ հանդիպում է եղել, որն ավելի քան 2 ժամ է տևել։ 

 

Հանդիպման հիմնական օրակարգը եղել է կիրակի օրը Բրյուսելում տեղի ունեցած Փաշինյան-Ալիև-Միշել հանդիպումը և մյուս շաբաթ մեկնարկելիք ԱԺ քառօրյան:

 

Թեև Փաշինյանն ասել է, որ մի շարք կարևոր հարցերի շուրջ չի հաջողվում Ադրբեջանի հետ համաձայնության գալ, բայց Փաշինյանը և ՔՊ-ականներն ընդհանուր առմամբ դրական են գնահատել Բրյուսելում հանդիպումը: Մոսկվայում և Քիշնևում սպասվող հանդիպումներին անդրադարձ չի եղել։